Sol og Taco på UL

Enkelte av karusellane var litt vel spennande for Håvard

Hurra! Vi fekk fint vêr utpå dagen i dag. Heile gjengen var i Kongeparken der vi køyrde bamsekarusellen og gravde med gravemaskin + ein del litt meir utfordrande aktivitetar.

Her går det litt rundt for Anette og Aud Marit. Men det gjer det jo til vanleg og

I skrivande stund lagar vi taco. Vi rakk ikkje å lage middag før i dag så dermed blir det kos i kveld. Litt dumt at vi ikkje har rasp til å raspe osten med. No står Cathrine og skjær opp osten med potetskrellar (vi hadde gløymt igjen ostehøvelen) og Anette riv den så opp i mindre bitar. Anders steiker kjøttdeig og Kjetil kuttar grønsaker. Håvard og Aud Marit testar ut madrassene medan Astrid Maria leitar etter kameraet for at vi skal få vist bilder frå våre opplevingar i dag. Maria Aarseth kjem snart på besøk til oss så no må vi rydde og gjere det koseleg. Kanskje nokre av oss dreg på konsert med Ole Børud i kveld.

Vi lagar taco

Kjetil klamrar seg fast til den skumle karusellen

Musikken frå Lovsongsteamet på UL går opp att og opp at i campingvogna. Vi har lært oss mange nye songar og er einige om at nokre av dei må vi syngje på Tabu seinare. På møtet i kveld vart vi veldig sterkt utfordra til å følgje Jesus. Ein sterk og utfordrande tale. Vi anbefaler deg til å sjå og høyre den på http://www.itro.no/

Krish Kandiah talte på kveldsmøta onsdag og torsdag

Lovsongsteamet spelar på alle songane på UL

Vått, vilt og vakkert

Astrid Maria i vakkert svev.

"I belive I can fly" tenkjer Aud Marit

Tabugjengen som oppheld seg på UL er framleis relativt tørre sjølv om Anders og Asmund måtte ut kl 0430 og bardunere teltet. I følge våre siste opplysningar har 60-70 personar forlatt telta sine i løpet av natta og søkt ly i sovesalar. Værmeldinga fortel at det skal bli strålande sol i løpet av dagen så planen for dagen er å ta seg nokre rundar i karusellane i Kongeparken.

Onsdag var Aud Marit, Astrid Maria, Anette og Asmund i Kongeparken. Det regna litt tidleg på dagen så gutan var så pinglete at dei droppa ut. Det viste seg imidlertid at det vart kjempevær denne dagen så gutane angra bittert og grein seg i søvn den kvelden. I dag derimot sjølv med det striregnet vi har hatt, skal gutane vere med i parken. Dei tør ikkje å risikere å gå på den same blemma ein gong til.

I skrivande stund held Astrid Maria på å tørke kleda sine framfor vifteovnen. Håvard fordriv tida med å spele Sims2 på mobilen til Kjetil. Anette og Aud Marit står i dusjen og vaskar av seg sveitten frå i går. Cathrine lurer på om konsertane her på UL ligg ute på nettet. Vi har så vidt sett på ein av talane i reprise. Anders, Kjetil og Asmund kosar seg med å skrive blogg og slarve om sine medreisande.

Vi har no tilgang til Internett fram til kl 1230 på laurdag så kanskje kjem det ny oppdatert melding frå fjordingar på UL før den tid.

Reise til UL

Her kjem ein liten oversikt over turen til UL

Reiseplan
09.00 Oppmøte busstasjonen i Førde
09.15 Førde
10.30 Lavik (ferje)
10.50 Oppedal
13.30 Halhjem (ferje) Vi et under ferjeturen
14.10 Sandvikvåg
16.00 Arsvågen (ferje)
16.25 Mortavika
17.25 Kongeparken (18.30 Åpningsseremoni)

Køyretider
Førde – Lavik 1 t 5 min
Lavik – Halhjem 2 t 20 min
Våge – Arsvågen 1 t 50 min
Mortavika – Kongeparken 1 t
Alle ferjene går kvar halvtime slik at vi kan stå over ei ferje utan at dette blir noko problem. Vi har god tid til alle fergene.


Ta med deg:
Sovepose
Ein sort pålegg
Godt med klede
Bibel

Desse blir med:
Astrid Maria
Cathrine
Anette
Kjetil
Marius
Anders
Jon Olav
Bjørnar
Asmund

Aud Marit sluttar seg til teltleiren vår når vi kjem fram

Asmund og Anders køyrer og vi har plass til ein person til. Det blir førstemann til mølla (påmelding til Asmund tlf 95854599) dersom det er fleire som vil vere med.

Vi betalar kr 500 for reisa tur/retur inkl ferjene.

Vi reiser heim søndag og er i Førde på kvelden ein gong.